शरीरमा टेस्टोस्टेरोन लगायत एन्ड्रोजन हर्मोनको अत्यधिक उत्पादनको कारणले गर्दा महिलाहरूको अनुहारमा दाह्री र जुँगाको वृद्धि अचानक बढ्न सक्छ । एन्ड्रोजन सबै महिलामा उत्पादन हुने भएपनि पुरुषको तुलनामा महिलाको शरीरमा यो हर्मोन कम उत्पादन हुन्छ ।
तर, जब महिलाको शरीरमा यसको उत्पादन बढ्न थाल्छ, तब पुरुष जस्तै महिलाको अनुहारमा पनि बाक्लो कपाल आउन थाल्छ । अब प्रश्न उठ्छ दाह्री र जुँगा बढ्नुको कारण के हो रु यस विषयमा हामी बताउँदै छौँ ।
हर्मोन असन्तुलन
चिकित्सा भाषामा यो अवस्थालाई हर्सुटिज्म भनिन्छ । वास्तवमा हाम्रो शरीरमा पुरुष हर्मोन बढ्ने वा महिला हर्मोन कम हुँदा हर्मोनको असन्तुलन हुन्छ, जसका कारण धेरै ठाउँमा नचाहिने कपाल देखिन्छ ।
एन्डरल ग्रन्थि विकार
मृगौला नजिकैको इन्डोक्राइन ग्रन्थि हार्मोन उत्पादन गर्न जिम्मेवार हुन्छ, जुन कहिले काहीँ जन्मदेखि नै असामान्य हुन्छ । जसका कारण महिलामा कपाल बढ्ने समस्या देखिन्छ । इन्डोक्राइन ग्रन्थीको विकार भएमा उच्च रक्तचाप, हड्डी र मांसपेशी कमजोर हुने, शरीरको माथिल्लो भागमा भारी हुने, उच्च वा निम्न रक्तचाप जस्ता समस्या देखिन्छन् ।
पोलिसिस्टिक ओवरियन सिन्ड्रम
वास्तवमा पीसीओएसको समस्या हुँदा शरीरमा यस्तो सिस्ट (लम्प) बन्न थाल्छ, जसले हर्मोन उत्पादनमा असर गर्छ । कहिले काहीँ पीसीओएसको उपचारका लागि लिइएको औषधिको प्रतिक्रियाका कारण महिलामा पनि पुरुषजस्तै कपाल बढ्न थाल्छ । यस्तो अवस्थामा महिलाको अनुहार वा शरीरमा अचानक कपाल बढ्न थाल्यो भने ढिलो नगरी चिकित्सकको सल्लाह लिनु जरुरी हुन्छ ।
कसरतको कमी
दिनभर बसेर व्यायामको लागि समय नपाएमा तौल बढ्न थाल्छ । यसले हर्मोनल असन्तुलन निम्त्याउँछ र अनुहारको कपाल बढ्नमा सहयोग पुग्छ ।
धेरै माछा वा तैलीय खानेकुरा खाने
माछामा ओमेगा ३ फ्याटी एसिड हुन्छ, जसले कपालको वृद्धिलाई बढाउँछ । यद्यपि यसलाई प्रोटिनको राम्रो स्रोत मानिन्छ तर केही अध्ययनका अनुसार बढी माछा खाँदा महिलामा टेस्टोस्टेरोनको मात्रा पनि बढ्छ । यदि महिलाहरूमा यसको स्तर बढ्दै गएको छ भने, यो अनुहारको कपाल बढ्नको लागि जिम्मेवार हुन सक्छ ।
अत्यधिक क्याफिन सेवन
दिनमा चार पाँच कप वा सोभन्दा बढी कफी पिउनाले पनि महिलाको शरीरमा टेस्टोस्टेरोनको उत्पादन बढाउँछ । अनुसन्धानका अनुसार यदि तपाईँले यो जीवनशैलीलाई ४ हप्ताभन्दा बढी समयसम्म जारी राख्नुभयो भने यसले टेस्टोस्टेरोनको स्तर बढाउन सक्छ ।
तनाव र धूम्रपान
अनुहारमा कपाल बढ्नुको कारण अत्यधिक तनाव हुन सक्छ । तनाव र दबाबको कारण शरीरको प्राकृतिक हार्मोनल सन्तुलन गडबड हुन सक्छ । यसले अनावश्यक कपालको वृद्धिलाई गति दिन्छ । यसबाहेक, अत्यधिक धूम्रपान र मद्यपानले शरीरमा निकोटिन र अल्कोहल बढाउँछ, जुन हार्मोनल परिवर्तनको कारण हो ।
निन्द्राको कमी
राम्रोसँग सुत्न नसकेमा र शरीर सधैँ थकित रहन्छ । त्यसैले अनुहारमा अचानक कपाल बढ्नुको कारण यो पनि हुन सक्छ ।
